Joh 15 | Ndebele | STEP | Mina ngilivini eliqotho, njalo uBaba ungumlimi .

1 Mina ngilivini eliqotho, njalo uBaba ungumlimi ^a. 2 Lonke ugatsha olukimi olungatheliyo isithelo, uyalususa; lalo lonke oluthela isithelo, uyaluthena, ukuze lwengeze ukuthela ^b. 3 Selihlambululekile ^c lina ngelizwi engilikhulume kini ^d. 4 Hlalani kimi, lami kini. Njengalokhu ugatsha lungethele isithelo ngokwalo, uba lungahlali evinini, ngokunjalo lani lingeke, uba lingahlali kimi ^e. 5 Mina ngilivini, lina lizingatsha ^f. Lowo ohlala kimi, lami kuye ^g, yena uyathela isithelo sande ^h; ngoba ngaphandle kwami lingenze lutho. 6 Uba umuntu engahlali kimi, ulahlelwa phandle njengogatsha, abe esebuna ⁱ, bazibuthe ^j baziphose emlilweni ^{k
,} ^l, zitshiswe ^m. 7 Uba lihlala kimi ⁿ, lamazwi ami ehlala kini ^o, lizacela elikuthandayo, lizakwenzelwa ^p. 8 UBaba uyadunyiswa ngalokhu, ukuthi lithele isithelo sande ^q; njalo lizakuba ngabafundi bami ^r.

9 Njengalokhu uBaba engithandile, lami ngilithandile; hlalani ethandweni lwami ^s. 10 Uba lilondoloza imilayo yami, lizahlala ethandweni lwami ^t; njengalokhu mina ngilondoloze imilayo kaBaba, njalo ngihlala ethandweni lwakhe ^u. 11 Lezizinto ngizikhulume kini, ukuze intokozo yami ihlale kini ^v, njalo intokozo yenu igcwale ^w.

Umlayo wokuthandana

12 Lo ngumlayo wami, ukuthi lithandane, njengalokhu ngilithandile ^x. 13 Kakho olothando olukhulu kulalolu ^y, lokuthi umuntu ababekele phansi abangane bakhe impilo yakhe ^z. 14 Lina lingabangane bami ^aa, uba lisenza loba yini mina engililaya yona ^ab. 15 Kangisalibizi ngokuthi lizinceku, ngoba inceku kayikwazi ukuthi inkosi yayo yenzani; kodwa sengilibize ngokuthi lingabangane, ngoba konke engikuzwileyo kuBaba ^ac ngilazise khona ^ad. 16 Kalingikhethanga lina, kodwa mina ngilikhethile ^ae, njalo ngilimisile ^af, ukuze lina lihambe lithele isithelo ^ag, lesithelo senu sihlale ^ah; ukuze loba yini eliyicela kuBaba ngebizo lami, alinike ^ai. 17 Ngililaya lezizinto, ukuze lithandane ^aj.

Inzondo yomhlaba

18 Uba umhlaba ulizonda ^ak, yazini ukuthi wangizonda mina ngaphambi kwenu ^al. 19 Uba belingabomhlaba, umhlaba ubuzathanda abawo ^am; kodwa ngoba lingeyisibo abomhlaba ^an, kodwa ngalikhetha mina emhlabeni, ngakho umhlaba uyalizonda ^ao. 20 Khumbulani ilizwi mina engalitsho kini: Inceku kayinkulu kulenkosi yayo ^ap. Uba bengizingele mina, bazalizingela lani ^aq; uba belondoloza ilizwi lami, bazalondoloza lelenu ^ar. 21 Kodwa bazakwenza konke lokhu ^as ngenxa yebizo lami ^at, ngoba bengamazi ongithumileyo ^au. 22 Uba bengingafikanga ngakhuluma labo, ngabe kabalasono ^av; kodwa khathesi ^aw kabalazaba ngesono sabo ^ax. 23 Ongizondayo, uzonda loBaba. 24 Uba bengingenzanga phakathi kwabo imisebenzi kungekho omunye owayenzayo ^ay, ngabe kabalasono ^az; kodwa khathesi sebeyibonile ^ba sebezonde sonke mina loBaba ^bb. 25 Kodwa ukuze ligcwaliseke ilizwi elilotshiweyo emlayweni wabo elokuthi ^bc: Bangizonda kungelasizatho ^bd.

26 Kodwa nxa esefikile uMduduzi ^be, engizamthuma mina kini evela kuBaba ^bf, uMoya weqiniso ^bg, ophuma kuBaba ^bh, lo uzangifakazela ^bi; 27 lani futhi lizafakaza ^bj, ngoba belilami kusukela ekuqaleni ^bk.